Monthly Archives: January 2013

Сместување

Денеска беше навистина бурен ден, навистина не очекувавме ваква силна реакција на нашата страница.  Добивме огромен број писма со пофалби и прашања. Однадред се извинуваме што не сме во можност да одговориме најбрзо. Некои посетители на сајтот кои се уште немаат обезбедено сместување,  прашуваа за можности околу сместувањето.

Доколку има и други заинтересирани за сместување, оставете податоци преку контакт формата (види најгоре на страницата, Контактирајте не) и ќе се обидиме да ви најдиме економично сместување во најкраток рок. Секоја нова информација ќе биде споделена на сајтот.

Прием кај Претседателот на РМ

Преземено од страницата на Претседателот Иванов:

Онаму каде што е репрезентацијата, таму е и Македонија. Вие сте идоли на младите генерации и благодарение на вас многу млади го одбрале и ќе го одберат спортот.

Капитенот на машката ракоментна репрезентација Кире Лазаров […] истакна дека ќе направат се’ достојно да ја презентираат Македонија во светот. Ќе се бориме, нема да калкулираме и се надеваме дека на крај сите ќе се радуваме на нашите успеси, истакна Лазаров.

http://www.president.gov.mk/mk/2011-06-17-09-55-07/2011-09-03-11-36-59/1840.html

Телефони

Доколку ѕвоните на некој телефонски број во Шпанија од Шпанија, треба да имате во предвид дека пред броевите нема нула, како што е вообичаено во други држави. Сите телефонски броеви се со 9 цифри, мобилните почнуваат со бројот 6, а фиксните броеви со бројот 9. Доколку ѕвоните преку роаминг, проверете кај вашиот мобилен оператор како да бирате шпански и македонски броеви.

Поважни телефонски броеви:

Итни случаи од секаков вид   112

Национална полиција             091

Локална полиција                    092

Цивилна гарда                         062

Пожарникари (бомберос)        080/081

Амбуланти (брза помош)        061

Помош на пат                          900 123 505

Појадок

Типичниот појадокот во Шпанија, и особено во Андалусија, е поразличен од оној којшто го знаеме во Македонија, во однос на вид на храна и количина на храна.

Времето за појадок е од 7:30-8 до некаде 11 часот, во зависност од локалот. Скоро и да не постои бар, ресторан, кафетерија, која да не подготвува појадок, типичните tostadas. Се порачуваат цел или половина  тост (entera или media tostada), што всушност се две парчиња леб за цел, и едно парче за половина тост. Потоа, во зависност од желбите, може да ставите хамон јорк (варена шунка), асеите (маслиново масло), томате ен родахас (парчиња домати), томате тритурадо (мелен домат), хамон иберико (шпанска пршута, едно од најубавите нешта за јадење), мантекиља (маргарин/путер), кесо (сирење), пате (паштета, најчесто од хамон) и други, како и комбинации од сите овие работи. Маслиновото масло обично се дава бесплатно во сите места, па можете да го полиете тостот со него во било која комбинација. Во зависност од избраната големина на тостот и додатокот цените се различни, но обично се движат меѓу 1,5 и 3 евра, и тоа во комбинација со кафе (кафе кон лече, т.е. кафе со млеко, не се препорачува да се пие чисто кафе, објаснување во друг пост). На многу места за дополнителни 50ина центи можете да добиете свежо исцеден сок од портокали.

На многумина, како и мене на почетокот, овој појадок може да им изгледа многу „сиромашен“ и недоволен. Но верувајте, доколку се придржувате до шпанските термини на појадок, ручек и вечера, цел тост ви е сосема доволен за да останете сити до ручекот и да не се чувствувате тешко, преполнето и успорено.

Време и облека

Од страна на опрема, ви препорачувам задолжително да земете очила за сонце, затоа што сонцето е доста силно и во јануари. Исто така, не е на одмет да понесете и чадор, затоа што јануари е во дождовната сезона. Оваа година нема многу врнежи од дожд, а и кога ги има, не траат многу и не се обилни. Мала е веројатноста дека ќе има обилни врнежи кога ќе дојдете, но никогаш не се знае.

Температурите се движат од некаде 5 до 10 степени ноќе, до некаде 15 до 20 степени во текот на денот. Многу дебела зимска облека нема да ви биде многу потребна, но не е лошо да се носи по некое шалче и ракавици. Влажноста е доста голема и кога не врне, па студот се чувствува на поинаков начин.

Related Posts Plugin for WordPress, Blogger...